. മണ്ണാര്‍ക്കാട്- അട്ടപ്പാടി- മുള്ളിവഴി ഊട്ടി കാനന യാത്ര

മുള്ളി വഴി ഊട്ടി  കാനന യാത്ര ഏറെ ഇഷ്ടപ്പെടുന്നവർക്ക് ഊട്ടിയിലേക് ഈ വഴി തിരഞ്ഞെടുക്കാം 👇 . മണ്ണാര്‍ക്കാട്- അട്ടപ്പാടി- മുള്ളി- മാഞ്ഞൂര്‍- വഴി  .സുന്ദരമായ കാഴ്ചകൾ നിറയെ സമ്മാനിക്കുന്നു. വിജനമായ പാത. അൽപം ഓഫ്ടോഡ്‌ ,മുള്ളി ചെക്ക്‌ പോസ്റ്റിൽ നിന്നും 50 രൂപ കൈമടക്ക്‌ നൽകിയാൽ യാത്ര തുടരാം.പിന്നീടങ്ങോട്ട്‌ കാഴ്ചകൾ തുടങ്ങുകയായി. . വാഹനം വളഞ്ഞ് പുളഞ്ഞ‌ ചെറു റോഡിലൂടെ അങ്ങ്‌ ചുരം കയറിപ്പോകുന്നു.ചെറു തടാകങ്ങളും മൊട്ടക്കുന്നുകളും അരുവികളും വാഹനം നിറുത്തി നിറുത്തി കാണേണ്ട കാഴ്ച തന്നെയാണു. നിഗൂഡമായ ഉൾവഴികൾ , ദൂരെയെവിടെയോ ഒളിച്ചിരിക്കും പോലെ ചെറുകുടിലുകൾ, പച്ചപ്പ്‌ ആഘോഷമാക്കിയ പ്രകൃതി.ഇലഞ്ഞിപ്പൂക്കളുടെ അതിമനോഹര മണം. . ഭവാനിപ്പുഴയെ സുന്ദരിയാക്കാൻ ഒഴുകുന്ന വലിയ നീർച്ചാലുകൾ മത്സരിച്ചൊഴുകുന്നു. കൃഷിയും കാടും കുന്നും മലയും .... മലഞ്ചെരുവിലൂടെ ,43 ഹെയർപിൻ.മുപ്പത്തി ഒമ്പതാമത്‌ ഹെയർപ്പിന്നിൽ കാനഡ പവർ ഹൗസ്‌. . കാട്ടുപൂക്കളുടേയും യൂക്കാലിപ്റ്റസിന്റേയും മണം വീശും തണുത്ത കാറ്റ്‌. തേയിലയില നുള്ളി കെട്ടുകളാക്കിപ്പോകുന്നവരും , ചെറു ടീ ഫാക്ടറികളും ലവ്‌ ഡെയിൽ നിന്ന് കേറ്റീവാലിലെ റെയിൽ വേ സ്റ്റേഷനും കുഞ്ഞ്‌ റയിൽ പാളവും കൂനൂരിന്റെ സുന്ദര കാഴ്ചകളിലൂടെയുള്ള ഓട്ടപ്രദക്ഷിണമാണു. . . ആവശ്യമായ ഭക്ഷണം കരുതുന്നത്‌ നന്നാകും. റോഡുകൾ നല്ലത്‌ തന്നെയാണു. കാർ യാത്രക്ക്‌ കുഴപ്പമില്ല. പൊലൂഷൻ സർട്ടിഫിക്കറ്റ്‌ കയ്യിലുണ്ടാകണം . ഒറിജിനൽ ലൈസൻസും . വൈകീട്ട്‌ 5 മണിക്ക്‌ മുമ്പ്‌ മുള്ളി ചെക്ക്‌ പോസ്റ്റ്‌ കഴിഞ്ഞിരിക്കണം.